نیلم وادی میں انتہائی افسوسناک واقعہ: باپ اور بیٹی لکڑی کے اوپر سے گزر کر سیلاب کے پانی کو پار کررہے تھے کہ دونوں ایک ساتھ تیزی سے بہتے ہوئے پانی میں گر پڑے۔ باپ کو تو بچا لیا گیا مگر بیٹی پانی کے ساتھ آگے بہہ گئی۔ سماء کے صحافی امیر الدین مغل نے ٹویٹ کرتے ہوئے لکھا کہ بیٹی کی لاش آگے جا کر ایک پل کے قریب سے مل گئی۔ صحافی کے مطابق لڑکی کی عمر پندرہ سال ہے اور اس نے حال ہی میں میٹرک کا امتحان دیا تھا۔