مرنے مرانے سے تو کم بات ہمارا سرائیکی لالہ نہیں کرتا۔ یہ الگ بات ہے جب وقت شہادت آتا ہے تو میرے سوہنڑے ڈیرے کا سوہنڑا شہزادہ چپکے سے پتلی گلی سے نکل کر مونال کی پہاڑیاں پھلانگتا چھپتا چھپاتا بارہ اضلاع عبور کر کے اچانک پشاور پہنچ جاتا ہے اور کیا شاندار دبنگ تقریر اسمبلی میں کرتا ہے۔
بحرحال کچھ بھی کہیں مجھے علی امین گنڈا پور پسند ہے۔ میرا شاید سرائیکی تعصب کہہ لیں۔ لیکن یہ طے ہے اس وقت سیاست میں جو بھی کچھ رنگ ہے، دھوم دھڑکا اور شور شرابہ ہے یا اس سرد اداس موسم میں کچھ انٹرٹینمنٹ ہے وہ ہمارے اس ڈیرہ وال لالہ گنڈا پور کی وجہ سے ہے۔ کوئی ہے جو ہمارے لالہ جیسی تقریر کرسکتا ہو تو سامنے لائو۔
لالہ آئی لو یو۔جیندے رہو۔ وسدے رہو۔ وڈی حیاتی ہوئوے